بنیادی رنگ
Appearance
![](http://chped.net/https/upload.wikimedia.org/wikipedia/commons/thumb/0/05/AdditiveColorMixing.svg/200px-AdditiveColorMixing.svg.png)
بنیادی رنگ (انگریزی چ:Primary Colours)تناں مڈھلےآں رنگاں لال ، ہرا تے نیلے نوں آکھئیا جاندا اے ۔اینہاں دے ملان نال باقی رنگ وجود چ آندے نیں ۔ بنیادی رنگ تن کیوں ہندے نیں ؟ اسدی وجہ ایہہ وے کہ انسانی اکھ دے پردے "ریٹینا" چ رنگ ویکھن لئی تن طرح دے خلئے موجود ہندے نیں جنہاں نوں "کون سیلز" آکھئیا جاندا اے ۔ کجھ پرندےآں دیاں اکھاں چ تن دی بجائے چار طرح دیاں "کونز" ہندیاں نیں ، اس وجہ تون اینہاں لئی بنیادی رنگ چار ہندے نیں ۔ اینج ای ممالیہ جانوراں دیاں اکھاں چ صرف دو طرح دیاں "کونز" ہندیاں نیں اینج اینہاں جانوراں لئی بنیادی رنگ دو ای ہندے نیں ۔ کجھ انسان وی پیدائشی "کلر بلائینڈ" ہندے نیں اینہاں لئی وی بنیادی رنگ صرف دو ای ہندے نیں ۔