راحت فتح علی خان

راحت فتح علی خاں
ذا‏تی معلومات
پیدائشی نام	راحتَ فتح علی خاں
پیدائش	1974فیصل آباد، پنجاب، پاکستان
تعلق	پاکستان
اصناف	قوالی
پیشے	گائیک، سنگیت کار
آلات	ہارمونیئم
سالہائے فعالیت	1985–ہن تکّ
ویب سائٹ	www.rfak.net

راحت فتح علی خاں (جنم 1974ء) اک پاکستانی گائیک تے بالی وڈ تے لالی وڈ دا اک مشہور پلے بیک گائک نیں۔ اے۔ اوہ استاد نصرت فتح علی خان دا بھتیجے نیں۔

مڈھلی زندگی

راحت دا جنم فیصل آباد 1974ء وچّ روائتی سنگیت کار خاندان وچّ ہویا سی۔ اس دے والد دا نام فرخ فتح علی خان سی۔ نصرت فتح علی خان اس دا تایا اتے اگھا قوال فتح علی خان اس دا دادا سی۔ اتے اسنے کلاسکی سنگیت اتے قوالی دی کلا وچّ اپنے تائے نصرت فتح علی خان توں تربیت حاصل کیتی سی۔

پیشاورانا زندگی

راحتَ دا پہلا عوامی فنی مظاہرہ دس گیاراں برس دی عمر وچّ ہویا جد اس نے اپنے چاچا نصرت فتح علی خان دے نال 1985ء وچّ برطانیہ دا دورہ کیتا، اتے قوالی پارٹی دے نال گاؤن دے علاوہ سولو گانے بھی گائے۔ 27 جولائی 1985ء نوں برمنگھم دی اک کنسرٹ وچّ اس نے سولو غزل مکھ تیرا سوہنیا شراب نالوں چنگا اے گائی۔ 1985ء وچّ ہائرو تفریحی کیندر دے اک کنسرٹ وچّ اس نے اک سولو گانا گن گن تارے لنگھ گئیاں راتاں گایا۔

پاپ (2004ء) دے ہٹ گانے من کی لگن نال اس نے بالیوڈّ وچّ پلیبیک گائک دے طور تے اپنا نام درج کروایا۔ بالیوڈّ فلماں دے گانیاں دی وجہ اوہ ہندوستان وچّ وی بہت مقبول ہے۔

2010ء وچّ اس نے برطانیہ دے ایشیائی سنگیت انعاماں وچّ "بہترین قومانتری ایکٹ" دا انعام جتیا۔

حوالے